Admin
Admin
المساهمات : 6
تاريخ التسجيل : 19/07/2008
 |  موضوع: قصيدة الشريف بركات  الأحد يوليو 20, 2008 7:12 am | |
| يا مرقب بالصبـح نطيـت راقيـك ،،، مـا واحـد قبلـي خبرتـه تعـلاك
وليت ياذا الدهر مـا كثـر بلاويـك ،،، الله يزودنـا السلامـة مـن اتـلاك
ياللي على العربان عمـت شكاويـك ،،، وليت يا دهـر الشقـا ول مقـواك
واليـوم هالكـون غـادن شبابيـك ،،، تلعب به الارياح مـن كـل شبـاك
يامالك اسمع جابتي يـوم اوصيـك ،،، واعرف ترى يابوك بامرك وانهـاك
وصيـة مـن والـد طامـع فـيـك ،،، تسبق على الساقه السانـه لعليـاك
اوصيك بالتقوى عساء الله يهديـك ،،، لهـا وتدركهـا بتوفيـق مــولاك
الله بحـق اجـدادك العـز يعطيـك ،،، مرضاته مع ما تمنـا مـن امنـاك
احفظ دبشك اللي عن الناس مغنيـك ،،، اللي ليا بان الخلـل فيـك يرفـاك
واعرف ترى مكة والاهـا بناخيـك ،،، لو تطلبه خمسة دنانير مـا نطـاك
اجعل دروب المرجلة مـن معانيـك ،،، واحذر تميـّــل عـن درجهـا بمرقـاك
لا تنسدح عنهـا وتبغينـي اعطيـك ،،، جميع مـا يكفيـك مـا حاصـل ذاك
ادب ولدك ان كـان تبغيـه يشفيـك ،،، واستسعفه من بعد مربـاه يـا لاك
اما سمج وستسمجك عنـد شانيـك ،،، ويغر من فعله صديقـك وشـرواك
والا بعـد جهلـه تــراه يـاذيـك ،،، لو زعلـت امـه لا تخليـه يـالاك
واحذر تضيع كل منهو ذخـر فيـك ،،، معروفه لا تنسـاه واوفـه بعرفـاك
ترا الصنايع بين الاجـواد تشريـك ،،، اليـا طمعـت بغرسهـا لا تـعـداك
واحذر سرور بغبة البحـر يرميـك ،،، ولا عنده املس من تشكيك وبكـاك
واوف الرجال حقوقها قبـل تعنيـك ،،، ولاتعتمد بالقـول فالحـق يقفـاك
وهرج النميمة والقفا لا يجـي فيـك ،،، واياك عرض الغافـل ايـاي وايـاك
تبدي حديـث للمـلا فيـه تشكيـك ،،، وتهيم عند الناس بالكـذب واشـراك
واليا نويـت احـذر تعلـم بطاريـك ،،، كم واحد تبغي منه عـرف وغـواك
واحذر شماتة صاحب لك مصافيـك ،،، واليـا جرالـك جـاري قـال لـولاك
ولا تحسب ان الله قطـوع يخليـك ،،، ولاتفرح ان الله على الخلـق بـداك
الضيـف قـدم لـه حيـن يلفيـك ،،، مما تطوله يـا فتـى الجـود يمنـاك
اكرم اقبالـه فانهـا مـن شواديـك ،،، وابذل له المجهـود مـا دام يعنـاك
احذر تلقي الضيف مقـرن علابيـك ،،، خله محـب لـك صديـق اذا جـاك
واوصيك زلات الصديق ان عثا فيك ،،، ما دام يغطاها الشعـر فاحتمـل ذاك
راعه ولو ما شفـت انـه يراعيـك ،،، عساك تكسـر نيتـه عـن معـاداك
واحذر عدوك لو ظهر بيصافيـك ،،، خلك نبيه وراقبه ويـن مـا جـاك
لا تامنه واطلـب مـن الله ينجيـك ،،، ويكفيـك ربـك شـر ذولا وذولاك
شفني انا يا بوك بامـرك وانهيـك ،،، عن التعرض بين الاثنيـن حـذراك
اذا حضرت إطلابـة مـع شرابيـك ،،، اسع لهم بالصلـح والـلاش يفـداك
ابذل لهـم بالطيـب ربـك ينجيـك ،،، ولاتجضع الميزان مـع ذا ولا ذاك
اما الشهادة فادهـا ان ادعـو فيـك ،،، بين عمود الدين لا عميـت اريـاك
بالك تماشـي واحـد لـك يردّيـك ،،، طالع بني جنسـك وفكـر بممشـاك
رابع اصيل فـي زمانـك بشاكيـك ،،، لاشاف خملاتك عن النـاس غطـاك
وحذراك عن طرد المقفي حذاريـك ،،، عليك بالمقبل وتـرك اللي تعـداك
ثم العـن الشيطـان ليـاه يغويـك ،،، ترى ان تبعتـه للشـرا بيـك وداك
واوصيك لا تشكي علينـا بلاويـك ،،، انت السبب أخذك اعيونـك بيمنـاك
واعرف ترى ما قد وطا الفعر واطيك ،،، ولانت اعز من الجماعـة هـذولاك
المسك يا راسي عن الذل واخطيـك ،،، واحذر تكلـم يـا لسانـي وحـذراك
والطف بجـارك وقـم دون عانيـك ،،، وافطن لما يعنيك عن ربعة اخـواك
ياذيب وان جتك الغنم فـي مفاليـك ،،، فاكمـن ليـن ان الرعايـا تعـداك
امنول يـا ذيـب تفـرس باياديـك ،،، واليوم جا ذيب عن الفـرس عـداك
يا ذيب عاهدني وعاهـدك مرميـك ،،، مرميك انا يا ذيب لـو زان مرمـاك
والنفس خالف رايها قبـل ترميـك ،،، ترى لها الشيطان يرمـي بالإهـلاك
ومن بعد ذا الا تصحب النذل يعديـك ،،، وعن صحبة الانذاك حاشاك حاشـاك
ترى العشير النذل يخلـف طواريـك ،،، وانا ارجي انك ما تجـي دون ابـاك
والهقوه انك ما تجـي دون اهاليـك ،،، ولا ظن عود الـورد يثمـر بتنبـاك
والحر مثلك يستحي يصحب الديـك ،،، وان صاحبه عاعا معاعات الاديـاك
لا تسمع قول الطـرف يـوم يلفيـك ،،، بالكذب يقضي حاجته كل مـا جـاك
من نم لك نم بك مـا فيـه تشكيـك ،،، وإيـلاه قـد ازرا رفيـقـك وأزراك
عندك حكا فينا وعنـدي حكـا فـيك ،،، واصبحت كارهنـا وحنـا كرهنـاك
ماخطاك ما صابك ولو كان راميـك ،،، وللي يصيبك لو تتقيت مـا خطـاك
مير استمع مني عسـى الله يهديـك ،،، النصح يا مالـك لـك االله مـولاك
عنـدي مظنـه مـا تمثلتهـا فيـك ،،، واطلب لك التوفيق من عند مـولاك | |
|
Admin
Admin
المساهمات : 6
تاريخ التسجيل : 19/07/2008
| | موضوع: رد: قصيدة الشريف بركات الأحد يوليو 20, 2008 7:32 am | |
| في البيتين الثاني والثالث والتي يقول فيهما
ولّيت ياذا الدهر مـا كثـر بلاويـك ،،، الله يزودنـا السلامـة مـن اتـلاك
ياللي على العربان عمـت شكاويـك ،،، ولّيت يا دهـر الشقـا ول مقـواك
نلاحظ شكوى من الدهر ولعل في هذا ما يخالف نهي الرسول صلى الله عليه وسلم من سب الدهر كما ورد في الحديث القدسي وانما نذكرها كأمر علمي والله اعلم | |
|
