احلى الادب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ارحل معنا في عالم الشعر والادب
 
الرئيسيةأحدث الصورالتسجيلدخول

 

 قصة قصيرة : ما لقيتوا سكين في طريقكم

اذهب الى الأسفل 
3 مشترك
كاتب الموضوعرسالة
المسافر




المساهمات : 102
تاريخ التسجيل : 25/07/2008

قصة قصيرة : ما لقيتوا سكين في طريقكم Empty
مُساهمةموضوع: قصة قصيرة : ما لقيتوا سكين في طريقكم   قصة قصيرة : ما لقيتوا سكين في طريقكم I_icon_minitimeالخميس أغسطس 07, 2008 4:23 pm




كان فيه فقير ما يملك من حطام الدنيا الا بعض الدجاج ،، يعتاش من بيضها ومن لحمها

واحيانا يبيع دجاجه او ديك ويسد حاجاته الاخرى بثمنها

وكان وحيد فلا زوج ولا ولد وما عنده الا الدجاج

وفي سنة من السنين

جاء مرض ما يصيب الا الدجاج ،، واهلك دجاج القرية ودجاج القرى الاخرى ومن ضمنها دجاج صاحبنا المسكين واللي ما بقي عنده الا بيض كانت واحدة من الدجاج راجنة عليه

قام اخونا وفكر وقال اصبر على هذا البيض وادفيه الى ان يفقس ويظهر منه دجاج وديكه وبعدين استثمر في البيض وفي الدجاج واكسب من وراه

وفعلا الرجال صبر على البيض وقام يدفيه من هنا ويراعيه من هناك

ومر اسبوع ،، ثم اسبوعين ،، والبيض ما فقس

المهم اخونا قام يوم تأخر فقس البيص وكسر اول بيضه ولقاها خربانه

وكسر ثانية وثالثة وكلهن يلقاهن خربانات

بقي بيضة وحده

وقام وكسرها

وظهر منها كتكوت صغير

فرح الرجال وقال على الاقل اربيه الين يكبر وبعدين اكل من بيضه ان كانه دجاجة

وفعلا قام يربيه ويربيه

وكبر الكتكوت وطلع ديك وخوينا كان يبيه دجاجة ولكن هذا اللي حصل

وصاحبه يهتم به ويؤكله ويقول اذا كبر ابيعه او أكل لحمة

وكبر الديك حتى اصبح في حجم الكلب

وصار يكبر ويكبر وخوينا يراعيه الين صار كبر الخروف

وصار خوينا يجيب له الاكل واحيانا يطلع به للبر يأكل مما فيه

قال ما فيه مشكلة ،، اصبر عليه شوي وبعدين اكله

وصبر عليه شوي وشوي

ويوم قرر يأكله لقى في ظهره شيء طالع مثل النفره

وكبرت هذه النفره وصارت كبر البيضة ثم صارت كبر الطاسه

وخوينا صار يفكر واخيرا استقر رأيه على ان يذبحه صباح الغد واطبخه غدا

ويوم جاء الصبح لقى الديك ميت والنفره اللي كانت على ظهره منفجره وطالع منها حبوب اشكال والوان منتشره في الحوش

فكر الرجال بعد ما خسر الديك

وقال ما عاد فيها غير اني اسقى هالحبوب عسى يطلع منها شيء

وفعلا صار يسقي الحبوب

ويوم ورا يوم

نبتت الحبوب

وطلعت شجيرات شيء وبعضها كبر وطلع بعض هالشجيرات شجر منها تفاح ومنها برتقال وبعضها جح وجراوه واللي بقدونس وبعضها بصل

والرجال يسقيها كل يوم

ويرعاها كل يوم

الين جاء ذاك اليوم اللي جاءت عاصفة في الليل ودمرت كل شيء ،،، كل شيء عدا ثمرة جح كانت تحت بعض الاخشاب

سلمت الجحه من العاصفة وقال الرجال ما عاد لي الا هذه اصبر الين تكبر واكلها

يوم استوت الجحه بعد كم يوم ،، قطفها الرجال

وجاب السكين يبي يقطعها علشان ياكلها

ويوم قال بسم الله وطعنها بالسكين الا السكين تنفصل من نصابها وتغاص في الحجه ويبقى النصاب في يده

مشكلة وما عنده سكين غيرها

ادخل اصابعه وحاول يجيب السكين وما قدر ،،، قام الرجال وفسر عن ذراعه وادخل يده في الجحة يبي يجيب السكين ،،، ودور يمين ويسار وما حصل السكين

قام الرجال وخلع ثوبه وطب في الجحة يدور على السكين

دور يمين دور شمال وما لقاها

وهو يدور شاف جادة (يعني طريق مطروق)

قام مشى في هالجادة

ومشى

الا وهو يمشي يوم يقابل رجالين اثنين ،،، مقبلين

يوم تقابل معهم وسلموا على بعض سألهم ،،، ما لقيتوا سكين في طريقكم

قالوا يحليك لنا يومين وحنا ندور على بعارين ضايعة لنا وما لقيناها

وانتهت القصة


الرجوع الى أعلى الصفحة اذهب الى الأسفل
Loli




المساهمات : 54
تاريخ التسجيل : 21/07/2008

قصة قصيرة : ما لقيتوا سكين في طريقكم Empty
مُساهمةموضوع: رد: قصة قصيرة : ما لقيتوا سكين في طريقكم   قصة قصيرة : ما لقيتوا سكين في طريقكم I_icon_minitimeالجمعة أغسطس 08, 2008 9:00 pm

هههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههه


lol!

وانا حسبالي بيطلع ذهب من هالديك

,,,

يعطيك العافية
الرجوع الى أعلى الصفحة اذهب الى الأسفل
.. سمىآ نـ ج ـد ..




المساهمات : 15
تاريخ التسجيل : 21/07/2008

قصة قصيرة : ما لقيتوا سكين في طريقكم Empty
مُساهمةموضوع: رد: قصة قصيرة : ما لقيتوا سكين في طريقكم   قصة قصيرة : ما لقيتوا سكين في طريقكم I_icon_minitimeالثلاثاء سبتمبر 02, 2008 5:10 pm

ههههههههههههههههههههههههههههههههههههههههههههههه

بعارين داخل جحة lol!

,,

يعطيك العافية ع القصة
الرجوع الى أعلى الصفحة اذهب الى الأسفل
 
قصة قصيرة : ما لقيتوا سكين في طريقكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى الادب :: الـقـصـة والـروايـة :: الـقـصـة الـقـصـيـرة-
انتقل الى: